Em Kî Ne?

Navend Amed e. Şaxên wê tune.

Armanca Med Derê, di erdnîgariya ku piranî kurd tê de dijîn ku jê re Mezopotamya jî tê gotin, di derbarê, çand û zimanên wan ku hêj zindî ne lê bi asîmîlasyoneke xedar rû bi rû ye, di kada sosyolojîk û dîrokî de, bi awayeke zanistî lêkolin dike.

Wek etnografya ku zanista gel, dîrok û wêjeya çand û zimên, bi kurtasî mîrateya sosyolojîk ya vî gelî, lê dikole.

Encamên ku bi dest dixe, bi şêweyeke nivîskî, dîtbarî, bihîstwarî û hwd. raberî rayagiştî dike.

Komele herwiha, bi sazî û dezgehên li welêt û li derveyê welêt ku kar û xebatên bi vê armancê bi rê ve dibin wek akademî, waqif, enstîtû û komeleyan re têkilî datînin, konferans, panel û sepozyumên hevpar li dar dixin.

Ji bilî van xebatan komele, li gor rewşa civakî ji bo hişmendiya zimanê kurdî di nav hin kar û xebatên hevpar de cih digire.

Her çiqas, li gorî zagona bingehîn a tirkiyê, herkesî/ê ku hemwelatî ye, tirk e û zimanê fermî tirkî ye jî gelek kesên ku li tirkiyeyê dijîn ne tirk in û bi zimanê cihê diaxifin. tê zanîn ku, li gorî daneyên fermî, li tirkiyê, 52 ziman û zarava hebûn. ji wan zimanan yek jî zimanê kurdî ye. li Tirkiyeyê, ji sisiyan yek ( ⅓ ) serjimar kurd in. Kurd tune hatine hesibandin, zimanê wan hatiye qedexe kirin û bi bişavtin û xwebişaftinê rû bi rû hatiye hiştin.

Ji bo ku pêşî li bişaftin û xwebişaftinê were girtin, pêwistî bi parastinekê hebû. komele hewil dide pêşengiya vê parastinê bike û têbikoşe.

Med Der, mafên çand û zimên ên gelên li Mezopotayayê dijîn, diparêze. ji bo, pêşî li wendabûna hafiza çand û zimanê kurdî û zaravayên wê, were girtin, têdikoşe.

Armanca sereke ya komelê, parastin, pêşvebirin û hîndekariya zimanê kurdî û zaravayên wî ne. di heman demê de, xebatên hişmendiya civaka demokratîk, ekolojîk, azadiya zayendî û hînkirina zimên esas digire.